Official Blog • Sajid Holy

Breaking News

Fitno se Najaat ke Sunehre Usool

Sajid Holy
03 Nov, 2021

Khairul Quroon ka daur aur uske baad bil aakhir jab Muawiyyah radiyallho anho ki khilafat ka daur khatm ho gaya to fitne urooj par aane lage. Isse pehle bhi kayee shar pasand aur fitna parwar log guzre the jaise ki Abdullah bin Ubai (rayeesul munafikeen), Abdur Rahman Ibn Muljim (jisne Ali radiyallaho anho ka qatl kiya), Feroz Abu Lulu (jisne Umar radiyallaho anho ka qatl kiya, woh majoosi tha), Abdullah ibn Saba (jo muslamaniyat ke disguise me ek yahoodi tha), wagairah.

Hasan aur Hussain radiyallaho anho ki shahadat se le kar maujooda daur ke jadeed khawarij aur maaddaparast (materialistic) munafikon tak duniya ke har kone me fitno ka zuhoor hua aur badhta chala jaega.

Yeh fitne rukne wale nahin hain yahan tak ki sabse bada fitna dajjal zahir ho jaega. Sawal yeh hai ki hum na sirf ilakaaee balki bainul aqwami satah par apne aapko aur apni aane wali naslo ko kaise is pur fitan mahol se bachayen?

Jaise ki manzar e aam par aaya, khud ulema e kiraam jab shaitan-numa insano ki shararaton se mehfooz nahi to phir aam aadmi ke liye to bilkul yeh lamha e fikr hai.

Iska hal ek sentence ya paragraph me nahi likha sakta, ek course ki tarah aap Shaikh ke is dars ko sune, aur isse istefada hasil karen